Мюнхеннинг "Бавария" клуби қанот ҳимоячиси Иосиф Станишич декабрь ойи ўрталарида жароҳатидан сўнг машғулотларга қайтади.
Бу ҳақда Флориан Плеттенберг хабар бермоқда.
Шу йилнинг август ойида 24 ёшли хорватиялик футболчи ўнг тиззасидан жароҳат олганди. Ҳозирда тикланиш жараёни давом этмоқда. Станишич келаси йилнинг январига қадар оптимал формага киришига умид қилмоқда.
Жароҳати туфайли Станишич жорий мавсумда "Бавария" таркибида атиги битта ўйин ўтказди - Германия кубоги доирасида 16 август куни "Ульм" жамоасига қарши ўйинда майдонга тушганди.
Хорватиялик футболчи ўтган мавсумни ижара асосида Леверкузеннинг "Байер" клубида ўтказди ва у билан Бундеслига чемпионлигини қўлга киритди. Шу йилнинг июнь ойида Станишич "Бавария" билан шартномасини 2029 йилгача узайтирди. Футболчининг трансфер нархи 28 миллион еврога баҳоланмоқда.
