"Манчестер Юнайтед"нинг бўлажак бош мураббийи Рубен Аморим Англия ва Португалия чемпионатларини солиштирди.
Мутахассис Лиссабоннинг "Спортинг" жамоаси бошқарувида сўнгги ҳафтасини ўтказмоқда - шундан сўнг у "Манчестер Юнайтед"да иш бошлайди.
"Португалияда учта катта жамоалар бор ["Бенфика", "Порту" ва "Спортинг"]. Кўпинча сиз қийин ўйинларни ўйнайсиз, лекин ўйин жараёнини назорат қиласиз.
Премьер-лига бутунлай бошқача дунё. Менга мураббий сифатида бу тажриба керак", - деди 2020 йилдан буён “Спортинг”да ишлаб келаётган “қизил иблислар”нинг бўлажак мураббийи TNT Sports телеканалига берган интервьюсида.
