"Ливерпул"нинг 32 ёшли вингери Муҳаммад Салоҳ АПЛнинг 10-тури доирасида бўлиб ўтган "Брайтон" билан ғалабали ўйиндан сўнг мухлисларга мурожаат қилди.
Эслатиб ўтамиз, вингер ушбу баҳсда 72-дақиқада ҳал қилувчи голни киритганди.
"Бу клуб турнир жадвалида биринчи ўринда туриши керак. Ундан ками бизга ярашмайди. Барча жамоалар ўйинларда ғалаба қозонишади, лекин якунда фақат битта жамоа чемпион бўлади.
Бу биз хоҳлаган нарсадир. Кеча қўллаб-қувватлаганингиз учун раҳмат. Нима бўлишидан қатъий назар, мен "Энфильд"да гол уриш қандай бўлганини ҳеч қачон унутмайман", - деди Салоҳ Х (собиқ Twitter) ижтимоий тармоғидаги саҳифасида.
