Мадриднинг "Реал" клуби бош мураббийи Карло Анчелотти жамоанинг янги юлдузи Килиан Мбаппенинг ўйинидан норози, деб хабар беради Give me Sport нашри.
Манбага кўра, "Лос-Бланкос" устози жорий мавсумда турли ўйинларда Мбаппедан кўпроқ нарсани талаб қилган.
Италиялик мураббий франциялик футболчининг жамоанинг ҳимоявий ҳаракатларида қатнашмаётганидан ҳафсаласи пир бўлган.
Суперюлдуз тўпга эга бўлмаганида жамоадошларига ёрдам бера олмагани, айниқса, "Барселона"га қарши ўйинда мураббий учун сезиларли бўлди.
Ўшандан бери Анчелотти Мбаппени "Реал"нинг энг катта муаммоси деб атади - барчаси Килианнинг келиши жамоага олиб келган номутаносиблик билан боғлиқ.
