Педри "Барселона"даги жарима тизими ҳақида гапирди.
21 ёшли ярим ҳимоячи Martínez y Hermanos дастурида иштирок этди ва у ерда жамоанинг ички тузилиши тафсилотлари билан ўртоқлашди.
Педрининг сўзларига кўра, "Барселона"да Ханс-Дитер Флик клубга қўшилганидан кейин пайдо бўлган жарималар тизими мавжуд.
Ярим ҳимоячининг қайд этишича, немис мураббийи пунктуалликка жуда жиддий ёндашади. Кеч қолгани учун у молиявий жазо қўллаши ёки футболчини майдонга туширмаслиги мумкин.
Каталония клуби жорий мавсум Ла Лигада 12 турдан кейин 33 очко билан пешқадамлик қилмоқда.
