Руд Гуллит америкаликларнинг клубларга эгалиги ҳақида гапирди.

"Берлускони мен тасаввур қила оладиган энг яхши президентлардан бири эди. У ҳар ҳафта машғулотларга келиб, биз билан суҳбатлашарди ва харизматик эди. У ажойиб иш қилди. Ундай президентим борлигидан хурсандман.

Менимча, ҳозирги “Реал Мадрид” президенти Флорентино Перес ҳам худди шундай харизмага эга. Клубни севадиган, шундай туйғуга эга бўлган марказий фигурага эга бўлиш жуда муҳим, шунинг учун у нима қилиш кераклигини аниқ билади ва бу иштиёқни жамоага етказади.

Бугунги кунда жамоалар кўпинча тарих туфайли эмас, пул ишлаш учун клубларни сотиб олган америкаликларга тегишли. Шунинг учун, баъзида бу туйғуни бошдан кечириш қийин. Энг зўр клубларда жамоани севадиган ва унинг тарихини биладиган инсон борлиги бежиз эмас", - дейди “Милан”нинг собиқ ярим ҳимоячиси.