Испаниялик футболчи Эктор Бельерин тез-тез танқид объектига айланса ҳам, ўз фикрини айтишдан қўрқмайди.
Жумладан, унинг аёл футболчилар эркак футболчилар билан бир хил миқдорда маош олиши кераклиги ҳақидаги сўзлари кўплаб баҳс-мунозараларга сабаб бўлди.
"Ҳамма тенгликни хоҳлайди, лекин футболда негадир бундай эмас. Мен ҳақиқатан ҳам бу фикрларим учун жуда кўп танқидларга учраганман, лекин мен ўз фикримдан қайтмайман.
Ҳар кимнинг ўз позицияси бўлиши керак ва мен буни билдирмоқчиман, футболда бу мавзуда ҳеч қандай тақиқлар бўлмаслиги керак деб ҳисоблайман", - дея футболчининг сўзларини келтиради Испаниянинг EL Pais нашри.
