ОЧЛ-2 турнирининг 4-туридан ўрин олган ўйин 6 ноябрь, чоршанба куни бўлиб ўтди.

“Насаф” Қаршидаги “Марказий” стадионида “Ал-Ҳуссайн”га қарши баҳс олиб борди. Учрашувнинг 23-дақиқасида Шароф Муҳиддинов ҳисобни очди. 31-дақиқада эса Резиқ Муҳаммад ҳисобни тенглаштирди. Бўлим охирида Резиқ дублни расмийлаштирди.

Иккинчи бўлимда эса дарвозалар ишғол этилмади ва Иордания клуби 2:1 ҳисобида ғалаба қозонди.

Рўзиқул Бердиев жамоаси илк турда “Кувайт” билан 0:0 ҳисобида дуранг қайд этганди. 2-турда эса “Шабоб ал Аҳли”ни мағлуб этганди. 3-турда айнан “Ал-Ҳуссайн”га қарши баҳсда 1:2 ҳисобида мағлуб бўлганди.

ОЧЛ-2, 4-тур баҳси
6 ноябрь, чоршанба
“Насаф” – “Ал-Ҳуссайн” 1:2
Голлар: 1:0 — 23 Муҳиддинов, 1:1 — 31 Резиқ Муҳаммад, 1:2 — 45+2 Резиқ Муҳаммад.
“Насаф”: 35.Абдувоҳид Неъматов, 5.Ғолиб Ғайбуллаев, 7.Акмал Мозговой, 8.Зафармурод Абдираҳматов (6.Мурод Раҳматов, 67), 9.Жавоҳир Сидиқов (70.Жаба Жигаури,46), 14.Шароф Муҳиддинов, 19. Стефан Чолович ( 88.Марко Станоевич, 80) 22.Игор Голбан (28.Шуҳрат Муҳаммадиев, 46), 32.Зоран Марушич (10.Бобир Абдихолиқов, 46), 34.Шерзод Насруллаев, 77.Ойбек Бозоров.
“Ал-Ҳуссайн”: 1.Язид Абдулла, 3.Абдаллаҳ Насиб, 5.Али Аҳмад Ҳажабий ( 17.Адҳам Муҳаммад Ал Қурайший, 61), 8.Ража Аэд Ҳасан, 13.Маҳмуд Ал Мардий, 15.Саэд Аҳмад Ал Росан, 21.Салим Амер Обеид (88.Итало Энрике Сильва, 74), 24.Эҳсан Ҳаддад, 36.Абдулжалел Ажагун, 77.Ориф Ҳайтам (90.Резиқ Муҳаммад Баниҳани, 15) 98.Юсуф Абу Жалбуш.
Огоҳлантиришлар: Абдаллаҳ Насиб (5), Зафармурод Абдираҳматов (13), Резиқ Муҳаммад (50), Абдулжалил Ажагун (83).