"Бавария" бош мураббийи Венсан Компани нима учун Жамол Мусиала боши билан гол ура бошлаганини тушунтириб берди.
21 ёшли ярим ҳимоячи ҳеч қачон иккинчи қаватдаги моҳир ўйинлари билан танилган эмас, аммо сўнгги тўртта ўйинда у боши билан учта гол уришга муваффақ бўлди. Немис футболчиси "Бенфика" билан ўйинда (1:0) "Бавария"га шундай ғалаба келтирди.
"Асосийси, жарима майдончасида тўғри жойлашиш. Бошингиз, кўкрагингиз ёки тиззангиз билан гол урасизми, муҳим эмас. Бир тегиниш ва гол уриш учун керакли вақтда у ерда бўлишингиз керак. Машғулотларда Жамол Мюллер ва Кейннинг жарима майдончасида қандай ҳаракат қилаётганини кўради. Умид қиламанки, у худди шу руҳда давом этади", - дейди мураббий.
