"ПСЖ" бош мураббийи Луис Энрике "Атлетико"дан учралган мағлубиятдан (1:2) сўнг ҳужумчи позицияси ҳақидаги саволга жавоб берди.
Парижликлар Чемпионлар лигаси доирасидаги уй учрашувида "матрасчилар"га ютқазиб қўйди.
Француз грандининг асосий таркибида Бредли Баркола, Марко Асенсио ва Усмон Дембеле бор эди ва уларнинг ҳеч бири классик ҳужумчилар эмас. Журналистлар Энрикедан нега гол уришдаги муаммоларга қарамай, соф "тўққизлик" билан ўйнамаслигини сўрашди.
"Агар сизда бўлса, буни менга олиб келинг. Уни қаердан олишим керак? Мен ўз фикрларимга содиқман. Агар муваффақиятсизликка учрасак, бу журналистлар ёки рақиб мураббийларининг фикри эмас, менинг ғояларим бўлади”, деди испаниялик мураббий.
