"Манчестер Сити"нинг собиқ футболчиси, ҳозирда Франция 2-лигасида "Лорьян"да ўйнаётган Бенжамен Менди собиқ жамоасига қарши 8,5 миллион фунт стерлинг тўлаганидан кейин биринчи марта ўз фикрларини билдирди.
"Маошимни уч йил кутишим керак эди ва мен бу қарордан хурсандман ва чин дилдан умид қиламанки, клуб энди шарафли ишни қилади ва тўланиши керак бўлган суммани, шунингдек шартномада менга ваъда қилинган суммаларни кечиктирмасдан тўлайди. Мен ниҳоят ҳаётимнинг бу қийин қисмини якунлай оламан", - деди Менди ижтимоий тармоқда эълон қилинган баёнотда.
Эслатиб ўтамиз, 30 ёшли Менди ўз уйида бир аёлни зўрлаган ва бошқа аёлни зўрлашга уринганликда айбланган эди. 2023 йил июль ойида у ушбу айбловлардан оқланди ва "Манчестер Сити"га қарши даъво аризаси билан чиқди. 6 ноябрь, чоршанба куни футболчи ўзининг собиқ клубига қарши судда ғалаба қозонгани маълум бўлди.
