ЖЧ-2014 сўнгги саралаш босқичи 8-туридан ўрин олган Ливан - Жанубий Корея ўйини олдидан, кореяликлар таркиб борасида муаммоларга дуч келган. Бу ҳақда «Arirang» интернер-ахборот портали хабар бермоқда.

4 июнь куни Байрут шаҳрида ЖЧ-2014 саралаши 8-тури доирасида Ливан ҳамда Жанубий Корея терма жамоалари ўзаро баҳс олиб боришидан хабарингиз бор. «Arirang» интернет порталининг хабар беришича, Жанубий Корея терма жамоаси бош мураббийи Чой Канг Хи Ливанга қарши ўйин олдидан терма жамоанинг бир неча нафар етакчи футболчилари ҳизматидан фойдалана олмайди. Терма жамоа ҳимоячиси Ки Сун Юн («Суонси») сариқ карточкалари сони иккитага етгани учун ўйинни ўтказиб юборса, Германия Бундеслигаси вакили бўлган «Аугсбург» жамоаси ҳужумчиси Ку Чжа Чхол жароҳати сабаб Ливан билан ўйинни ўтказиб юборади.

Терма жамоа ҳимоясидаги муаммолар инобатга олинган ҳолда, 36 ёшли тажрибали ҳимоячи Ким Нам Ил яна Жанубий Корея терма жамоасига чақирилиши мумкин, дейилмоқда номи юқорида тилга олинган интернет порталида. Маълумот ўрнида айтиш жоиз, Ким Нам Ил 2002 йилги жаҳон чемпмионати пайтида тўп сурган футболчилар орасидан яна терма жамоа сафига чақирилган иккинчи футболчи бўлиши мумин. Бунгача тажрибали ҳимоячи Ча Ду Ри миллий терма жамоа сафида ўйнаб келаётган эди. Бу футболчи бундан 3 йил олдин терма жамоадаги фаолиятига якун ясаганини маълум қилган эди.

Эслатиб ўтамиз, Ливан терма жамоасига қарши сафардаги учрашувдан бир ҳафта ўтиб, 11 июнь куни Жанубий Корея терма жамоаси Сеулда ЖЧ-2014 саралашининг 9-тури доирасида Ўзбекистон миллий терма жамоасини қабул қилади.