"Спортинг" ўзининг швециялик тўпурари Виктор Дьёкерешни бошқа клубга қўйиб юборишга тайёр ва ҳатто унинг нархини пасайтирди.
Бу ҳақда The Telegraph нашри хабар бермоқда.
Манбага кўра, Лиссабон клуби 26 ёшли швециялик футболчига 2025 йилнинг ёзида жамоани тарк этишига рухсат беради. Шунингдек, "Спортинг" футболчининг шартномасидаги товон пулини 83 миллион фунтдан 63 миллион фунтга камайтиришга тайёр.
Форварднинг клуб билан амалдаги шартномаси 2028 йилнинг ёзига қадар мўлжалланган.
Жорий мавсумда ҳужумчи "шерлар" сафида барча турнирлар доирасида 15 та ўйин ўтказиб, 23 та гол урди ва 2 та голли узатмани амалга оширди.
Дьёкерешнинг трансферига Англия Премьер-лигасининг бир қанча клублари қизиқиш билдирмоқда. Асосий даъвогар "Манчестер Юнайтед" бўлиб, уни тез орада "Спортинг"нинг ҳозирги устози Рубен Аморим бошқаради.
