Бугун, 15 май куни Голландиянинг Амстердам шаҳрининг  «Амстердам-Арена» стадионида  Европада нуфузи жиҳатидан иккинчи ўринда турувчи Европа лигаси финалида Португалиянинг «Бенфика» ва Англиянинг «Челси» жамоалари ўзаро баҳс олиб боришидан хабарингиз бор, албатта.

Аввало Европа лигасининг келиб чиқиши ҳақида бироз тўхталиб ўтишни лозим топдим. Европа лигаси турнири 2008/2009 йилги мавсумдан бошлаб ўз стартини бошлаган. Унгача, аниқроғи 1971/1972 йилги мавсумдан бошлаб 2007/2008 йилги мавсумгача УЕФА Кубоги номи билан мусобақа ўтказилиб келинган. Бу орада яъни, 1998/1999 йилги мавсумдан бошлаб ўз мамалакатининг кубоги соҳиблари иштирок этадиган Кубок эгалари кубоги мусобақаси ҳам бирлашганлигини айтиб ўтиш жоиз.

Энди УЕФА Кубоги турнири финали ҳақида айтиб ўтадиган бўлсам, 1972 йилдан 1997 йилгача финал баҳси ўй-меҳмон тизимида икки ўйиндан иборат бўлган, 1998 йилдан бошлаб эса финал ўйини битта ўйиндан иборат бўлиб нейтраль майдонда ўтказила бошлаган. 2008/2009 йилги мавсумдан бошлаб эса ҳозирги Европа лигасининг янги форматига асос солинган. 

Бу галги Европа лигаси ғолиблиги қайси клубга насиб этар экан, буни вақт кўрсатади. Лекин бу ўйинга  қизиқиш жудаям катта. Сабаби ўтган йилги ЕЧЛ ғолиби бўлган «Челси» жамоасининг бу сафар тақдир таққозаси билан Европа лигаси финалига қадар етиб келиши финалга бўлган қизиқишни янада ошириши бор гап. Нега деганда, юртимизда «Челси» жамоаси мухлислари кўплаб топилади. «Бенфика» жамоаси ҳам ўз ўйини билан мухлисларнинг назаридан четда қолаётгани йўқ. Ярим финалдаги ажойиб ўйинини мисол қилиб айтиб ўтиш жоиз.

Қизиқ томони шундаки, Европа лигасининг финалида ўйнайдиган Португалиянинг «Бенфика» ва Англиянинг «Челси» клублари Европа чемпионлар лигаси гуруҳ босқичида учинчи ўринни эгаллаб ЕЧЛ баҳсларидан чиқиб кетган бўлсада, аммо Европа лигасида ажойиб ўйин кўрсатиб финалга қадар етиб келишди.
 
Энди, «Бенфика» ва «Челси» жамоаларининг финалгача етиб келган ўйинларини яна бир бор эслатиб ўтсам, бунга сиз ҳам бефарқ бўлмайсиз деган умиддаман.

1). «Бенфика» клуби ЕЧЛ «G» гуруҳида иштрок этиб учинчи ўринни қўлга киритди:
- "Бенфика" (Португалия) 6 ўйин, 2 ғалаба, 2 дуранг, 2 мағлубият. Тўплар нисбати 5-5 (0), 8 очко

19 сентябрь. «Селтик» - «Бенфика» 0-0
2 октябрь. «Бенфика» – «Барселона» 0-2
23 октябрь. «Спартак» - «Бенфика» 2-1
7 ноябрь. «Бенфика» - «Спартак» 2-0
20 ноябрь. «Бенфика» - «Селтик» 2-1
5 декабрь. «Барселона» – «Бенфика» 0-0
 
1/16 финал
14 февраль.  «Байер» (Германия) - «Бенфика» (Португалия) 0-1
21 февраль. «Бенфика» (Португалия) -  «Байер» (Германия) 2-1
 
1/8 финал
8 март. «Бенфика» (Португалия) - «Бордо» (Франция) 1-0
15 март. «Бордо» (Франция) - «Бенфика» (Португалия) 2-3
 
1/4 финал
4 апрель. «Бенфика» (Португалия) - «Ньюкасл» (Англия) 3-1
11 апрель. «Ньюкасл» (Англия) - «Бенфика» (Португалия) 1-1

1/2 финал
25 апрель. «Фенербахче» (Туркия) – «Бенфика» (Португалия) 1-0
2 май. «Бенфика (Португалия) – «Фенербахче» (Туркия)  3-1
          
1). «Челси» клуби ЕЧЛ «Е» гуруҳида иштирок этиб учинчи ўринни қўлга киритди:
 - "Челси" (Англия). 6 ўйин, 3 ғалаба, 1 дуранг, 2 мағлубият. Тўплар нисбати 16-10 (+6), 10 очко

19 сентябрь. «Челси» - «Ювентус» 2-2
2 октябрь. «Нордшеллан» - «Челси» 0-4
23 октябрь. «Шахтёр» - «Челси» 2-1
7 ноябрь. «Челси» - «Шахтёр» 3-2
20 ноябрь. «Ювентус» - «Челси» 3-0
5 декабрь. «Челси» – «Нордшеллан» 6-1
 
1/16 финал
14 февраль. «Спарта» (Чехия) - «Челси» (Англия) 0-1
21 февраль. «Челси» (Англия) - «Спарта» (Чехия) 1-1

1/8 финал
7 март. «Стяуа» (Руминия) - «Челси» (Англия) 1-0
15 март. «Челси» (Англия) - «Стяуа» (Руминия) 3-1
 
1/4 финал
4 апрель. «Челси» (Англия) - Рубин (Россия) 3-1
11 апрель. Рубин (Россия) - «Челси» (Англия) 3-2

1/2 финал
25 апрель. «Базель» (Швейцария) – «Челси» (Англия) 1-2
2 май.        «Челси» (Англия) – «Базель» (Швейцария) 3-1
     
ФИНАЛ.
15 май. «Бенфика» (Португалия) – «Челси» (Англия)

Қайси жамоа Европа лигаси ғолиблигини  қўлга киритишидан қатъи назар, финалда ажойиб, чиройли, томошабоп ўйин кутиб қоламиз.
Абдумажид Қодиров тайёрлади