Туркия футбол федерацияси Профессионал футбол интизом кенгаши томонидан "Фенербахче" бош мураббийи Жозе Моуриньони дисквалификация қилди.
Португалиялик мутахассис Туркия чемпионатининг 11-туридан ўрин олган "Трабзонспор"га (3:2) қарши ўйиндан сўнг дисквалификация қилинди.
Моуриньо мухлисларга, рақибларга ҳурматсизлик қилгани ва ҳакамликни танқид қилгани учун бир ўйинга дисквалификация қилинди. Шунингдек, у 958 минг лира (25,5 минг евро) миқдорида жаримага тортилди.
"Моуриньонинг баёнотлари спортга хос эмас, спорт маҳорати, спорт одоб-ахлоқи ёки ҳалол ўйин тушунчасига зид, ТФФ обрўсига путур етказади, турк футболининг қадр-қимматини пасайтириш, ҳакамлар ва бошқа мусобақа расмийларининг холислигини яшириш ёки обрўсизлантириш учун мўлжалланган" дейилади ТФФ баёнотида.
