"Челси" бош мураббийи Энцо Мареска Конференция лигаси доирасида арманистонлик "Ноа"га қарши ўйинда ярим ҳимоячи Энцо Фернандеснинг алмаштирилганини тушунтирди.
Сўнгги пайтларда Фернандес Мареска билан зиддиятга тушиб қолгани ва январда "Челси"ни тарк этиши мумкинлиги ҳақидаги миш-мишлар тинмаяпти.
Бу тахминларга қарамай, Эрнандес кеча "Челси"нинг асосий таркибида майдонга тушди ва 9 дақиқа ичида 3 та голли узатмани амалга оширди.
Мареска танаффусда 23 ёшли аргентиналик футболчини алмаштирган бўлса-да, бу қарор фақат тактик сабабларга кўра қабул қилинган.
"У яхши. Бу шунчаки техник қарор эди. Бошқа ҳеч нарса эмас. Ҳаммаси яхши эди", - деди Мареска Evening Standard билан суҳбатда.
