"Манчестер Юнайтед"нинг чап қанот ҳимоячиси Тайрелл Маласиа ноябрь ойидаги халқаро танаффусдан сўнг жамоа ўйинларига қайтиши мумкин, деб хабар беради The Athletic нашри.
Манбанинг ёзишича, 25 ёшли нидерландиялик футболчи 24 ноябрь куни "Ипсвич"га қарши ўйинда сафга қайтиши мумкин.
Клуб футболчининг қайта тикланишини диққат билан кузатиб бормоқда.
Аввалроқ, футболчи жамоа билан машғулотларга қайтгани ҳақида маълумот пайдо бўлганди.
Маласиа ўзининг сўнгги ўйинини 2023 йил 14 июнь куни Миллатлар лигаси доирасида Нидерландия таркибида Хорватияга қарши ўйинда ўтказди. 2023 йилнинг ёзида у тиззасидан жароҳат олди ва шундан кейин майдонга тушмади.
