"Манчестер Юнайтед" марказий ҳимоячиси Виктор Линделоф фаолиятини "Милан"да давом эттириши мумкин.
Хабар қилинишича, "Милан" қишда 30 ёшли футболчи билан музокара олиб боришга тайёр. Милан клуби Линделофнинг тажрибаси жамоага ёрдам беришига ишонмоқда, дея таъкидлайди манба.
Жорий мавсумда швециялик ҳимоячи барча турнирларни ҳисобга олган ҳолда еттита учрашувда майдонга тушди ва битта сариқ карточка олди.
Линделофнинг "Манчестер Юнайтед" билан амалдаги шартномаси 2025 йилнинг июн ойи охиригача амал қилади. Transfermarkt мутахассислари футболчининг нархини 15 миллион еврога баҳоламоқда.
