"Милан" қизиқиш ортиб бораётганига қарамай, ярим ҳимоячи Тейани Рейндерсни сақлаб қолишга қарор қилди.
Нидерландиялик футболчи жорий мавсумда "россонерилар"нинг асосий ўйинчиларидан бирига айланди. Ярим ҳимоячи ўзининг ўйинлари билан Англиянинг "Манчестер Сити" ва "Тоттенхэм" ҳамда "Реал"нинг эътиборини тортди. Calciomercato хабарига кўра, "Милан" Рейндерснинг кетишига йўл қўймаслик учун унинг маошини икки баравар ошириб, шартномани узайтиришга тайёр.
26 ёшли футболчи жорий мавсум Пауло Фонсека жамоаси сафида 13 та ўйинда майдонга тушиб, 4 та гол ва 2 та голли узатмага муаллифлик қилган. Transfermarkt экспертлари фикрича, Рейндерснинг нархи 30 миллион еврони ташкил қилади.
