Испания терма жамоаси бош мураббийи Луис де ла Фуэнте "Барселона" ҳимоячиси Пау Кубарсини ноябрь ойидаги ўйинларга чақирмаслик қарорини тушунтирди.

Қайдномани эълон қилишдан аввал "Қизил фурия" устози 17 ёшли футболчига қўнғироқ қилиб, унга ишонишини, аммо таваккал қилишни истамаслигига ишонтирди, дея хабар бермоқда журналист Ферран Мартинес. Гап Кубарсининг яқинда "Црвена Звезда" билан ўйинда олган жароҳати ҳақида кетмоқда: рақиб бутсаси юзига текканидан сўнг вундеркиндга ўнта чок тикилган. Футболчининг ўзи шу ҳолатда ҳам терма жамоада ўйнамоқчи эди, аммо де ла Фуэнте унга дам олгани маъқул, деб ҳисоблаган.

Испания терма жамоаси Миллатлар лигасида Дания (15 ноябрь) ва Швейцария (18 ноябрь) термаларига қарши баҳс олиб боради.