"Манчестер Юнайтед" футбол клуби қишки трансферлар вақтида бир вақтнинг ўзида беш нафар футболчи билан шартнома имзолашни режалаштирмоқда, деб хабар бермоқда Mirror нашри.
Клубнинг асосий мақсадлари - "Эвертон" ҳимоячиси Жаррод Брэнтуэйт, "Спортинг" ҳужумчиси Виктор Дьёкереш ва ярим ҳимоячи Жовани Кенда ҳисобланади. Шунингдек, "Бавария" ҳимоячиси Альфонсо Дэвис ва ярим ҳимоячи Лерой Сане ҳам "қизил иблислар"нинг асосий мақсадларидан ҳисобланади.
ОАВ хабарига кўра, "қизил иблислар"нинг янги бош мураббийи Рубен Аморим ўзининг собиқ жамоаси "Спортинг Лиссабон"дан (Дьёкереш ва Кендани) икки нафар футболчини янги жамоага ўзи билан олиб келмоқчи.
