“Манчестер Сити” ва Испания терма жамоаси ярим ҳимоячиси Родри октябрь ойи охирида “Олтин тўп”ни қўлга киритди.
"Реал"нинг собиқ ҳужумчиси Карим Бензема маросимдан сўнг ҳужумчи Винисиус Жуниор мукофотга кўпроқ лойиқ эканлигини айтди.
Родри французнинг сўзлари уни хафа қилдими, деган саволга жавоб берди.
"Йўқ, бу тўғри эмас. Ҳар бир инсон ўз фикрини билдириш ҳуқуқига эга. Мен ҳаммани хурсанд қила олмайман.
Бензема ҳақида шуни айтишим мумкинки, у 2022 йилги “Олтин тўп”нинг ҳақиқий эгаси бўлган. Ўша йили у бизни қийнаб қўйганди (кулади)", - дея Родрининг сўзларини келтиради France Football.
