«Реал Мадрид» мухлислари «Осасуна»га хет-тригидан сўнг Винисиусни қўллаб-қувватлашди.
«Реал Мадрид» вингери Ла Лиганинг 13-турида учта гол урди.
Бразилиялик футболчи биринчи бўлимнинг 34-дақиқасида рақиб дарвозасини ишғол қилган бўлса, ўйиннинг иккинчи бўлимида ҳам – 61 ва 69-дақиқаларда яна иккита гол урди.
Шундан сўнг, «Сантьяго Бернабеу»даги мухлислар «Винисиусга «Олтин тўп»!», - дея ҳайқиришди.
Винисиус жорий мавсумда Ла Лиганинг 12 та учрашувида 8 та гол урди ва 4 та голли узатмани амалга оширди.
