Мадриднинг "Реал" клуби ярим ҳимоячиси Федерико Вальверде жароҳати туфайли янги позицияга ўтиши керак.

Шанба куни "Осасуна"га қарши ўйинда ўнг қанот ҳимоячиси Лукас Васкес жароҳат олди. Марказий ҳимоячи Эдер Милитао ҳам ўйинни вақтли тарк этди - у хочсимон боғлами йиртилгани сабабли мавсумнинг қолган қисмини ҳам ўтказиб юборади. Бундан олдинроқ, асосий ўнг қанот ҳимоячиси Даниэль Карвахаль ҳам касалхонага ётқизилганди - унинг ҳам хоч боғлами жиддий жароҳатланган.

Marca хабарига кўра, Карло Анчелотти ўнг қанот ҳимоячиси позициясида Федерико Вальвердедан фойдаланиш ҳақида жиддий ўйламоқда. Уругвайлик футболчининг шанба кунги ўйиндаги ўйини "Лос-Бланкос" мураббийини ярим ҳимоячининг бу позицияда ўйнашга яроқлилигига ишонтирди.