"Ювентус" бош мураббийи Тиаго Мотта жамоанинг "Торино"га (2:0) қарши дербидаги ўйини ҳақида ўз фикрини айтди.
"Бьянконерилар"га 18 ва 84-дақиқаларда Тимоти Веа ва Кенан Йилдизнинг голлари 3 очко келтирди.
"Мувозанатни сақлаш ҳар доим муҳим. Бугун яна бир яхши ўйин ўтказдик ва ғалабага эришдик. Уй дербисидаги натижа ва ўйиндан мамнунман. Қўллаб-қувватлаганликлари учун мухлислардан миннатдорман.
Футболчиларга ҳам раҳмат айтмоқчиман - бир ҳафтада учта ўйин ўтказиш осон эмас. Улар вазминлик кўрсатдилар, диққатларини жамладилар ва керак бўлганда самарали ҳаракат қилишди. Албатта, биз бу ғалабага ҳақли эдик", - дейди Мотта.
