"Манчестер Сити" бош мураббийи Пеп Гвардиола АПЛнинг 11-турида "Брайтон"дан учралган мағлубиятдан сўнг (1:2) "шаҳарликлар"нинг устунлиги ҳали тугамаганини айтди.
"Сити" Гвардиола қўл остида сўнгги етти мавсумда олти марта АПЛ чемпионлигини қўлга киритди. "Ливерпуль" кубокни қўлга киритган 2019/20 мавсуми бундан мустасно.
"Одамлар буни хоҳлайди, лекин биз ҳали тугатмадик. Бу нормал ҳолат, чунки биз кўп ғалаба қозонамиз. Бу содир бўлади.
Ўйинларда мағлуб бўлиш нормал ҳолат. Бу ҳолат мен учун қийин. Мен қийинчиликларни яхши кўраман. Мен ҳар қачонгидан ҳам кўпроқ муваффақиятга эришмоқчиман.
Жароҳатланган ўйинчилар тузалиб кетгач, биз яна яхши формада бўлишимизга ишончим комил", - дея Гвардиола сўзларини келтирмоқда Daily Mail.
