"Рома" ўзининг расмий сайти орқали Иван Юрич бош мураббийлик лавозимидан озод этилганини эълон қилди. Рим клуби раҳбарияти 49 ёшли хорватиялик мутахассисга меҳнати учун миннатдорчилик билдириб, келгусида муваффақиятлар тилади.
Иван Юрич "Рома"да икки ойдан камроқ вақт ишлади. Бу вақт ичида жамоа 12 учрашув ўтказиб, тўртта ғалаба, учта дуранг ва бешта мағлубият қайд этган.
Юричнинг четлатилиши "Рома"нинг "Болоня"дан учралган мағлубиятидан сўнг (2:3) юз берди. Римликлар ҳозир А Серия турнир жадвалида ўн иккинчи ўринни эгаллаб туришибди. Жамоа навбатдаги ўйинни 24 ноябрь куни "Наполи"га қарши ўтказади.
