Микель Артета "Арсенал" футболчиларининг жароҳатлари ҳақида гапирди.
“Арсенал” АПЛнинг 11-турида “Челси” билан дуранг ўйнади (1:1). Иккинчи бўлимда жароҳати сабаб Букайо Сака ва Деклан Райс алмаштирилди.
“Халқаро танаффусдан кейин жамоа жисмонан тўлиқ тайёр бўлишини тилайман. Сўнгги саккиз ҳафта даҳшатли туш каби ўтди.
Доимий шубҳалар, муаммо ортидан муаммо бор, нафақат ўйнай олмайдиганлар, балки тўлиқ ўйин учун эмас, фақат чекланган вақт ўйнай оладиганлар ҳам бор.
Мен шуни сўраяпман, чунки жамоанинг садоқатига ва бизнинг қатъиятимизга шубҳа йўқ. Бизга фақат барқарорлик керак”, - деди “Арсенал” бош мураббийи.
