Алехандро Гарначо мухлисларнинг муносабати туфайли голни нишонламади.

"Манчестер Юнайтед" АПЛнинг 11-турида "Лестер"ни мағлуб этди (3:0). Гарначо 82-дақиқада Бруно Фернандешнинг узатмасидан жамоанинг якуний голини урди, аммо голни нишонламади ва хотиржамлик билан майдон марказига қараб юрди. Бунга Бруно муносабат билдирди. 

"Гарначо ажойиб гол урди, лекин нишонламади, чунки у мухлисларнинг ишончини йўқотдим деб ўйлади.

Мен унга айтдимки, одамлар доимо нолишади, лекин кўп одамлар сизни яхши кўрадилар ва қилаётган ишингиздан завқланадилар. Мен ундан нишонлашни сўрадим, бу алоҳида нарса эди.

У ўзига хос футболчи, жамоамизда ўйин натижасини ҳал қиладиганлар кўп. Айнан улар бизга ғалаба келтирмоқда”, - деди “Манчестер Юнайтед” ярим ҳимоячиси Бруно Фернандеш.