"Барселона" ва Испания терма жамоаси вингери Ламин Ямалнинг отаси Мунир Насрауи ўғлининг иқтидори ҳақида гапирди.

"Мен унинг юлдуз эканлигини, бошқаларга ўхшамаслигини тезда англадим. Болалигиданоқ аравачасида тўп бор эди. Мен унга доим ишонардим, дўстларимга у дунёнинг энг яхши футболчиси бўлишини, ҳақиқий олмос эканлигини доимо айтиб турардим. У майдонда ҳам, майдон ташқарисида ҳам аввалгидек қолиши, завқланиши керак. Энди у эркакга айланди. Ўтган куни унга бу ҳақда айтдим ва кўз ёшларимни тия олмадим. Унинг "Олтин тўп"га номзод бўлганига ҳайрон бўлмадим, сиз унинг қўлидан келган ишининг атиги 20 фоизини кўргансиз. Мен уни қанот ҳужумчиси эмас, балки "ўнинчи рақам" деб биламан. Унда Зинедин Зидан каби марказда, ҳужумчи ортида ўйнаш қобилияти ва характери бор. Кўрасиз. Мен қўлларимни ишқалаяпман, "Олтин тўп" ҳақида ўйлаяпман, у ғалаба қозонади", - деди Насрау France Football билан суҳбатда.