Германия терма жамоаси ва Леверкузеннинг “Байер” клуби ҳимоячиси Жонатан Та Испания чемпионатида иш топиши мумкин. Бу ҳақда Todofichajes портали саҳифаларида хабар берилди.

Журналистларнинг ёзишича, немиснинг хизматларига Мадриднинг “Реал” клуби қизиқмоқда. "Лос-Бланкос" марказий ҳимоячиларининг жароҳати туфайли ҳимояни кучайтирмоқчи. Келишув январь ойидаги трансфер ойнасида якунланиши мумкин.

Танинг бозор қиймати 30 миллион еврога баҳоланмоқда. Ҳимоячининг "фармацевтлар" билан амалдаги шартномаси 2025 йилнинг ёзида якунига етади.

Германия чемпионатининг жорий мавсумида Жонатан ўнта ўйин ўтказиб, гол урди ва сариқ карточка олди.