Испания терма жамоаси ва Бильбаонинг “Атлетик” клубининг ҳужумкор ярим ҳимоячиси Нико Уильямсга Европа клублари орасида талаб катта. Бу ҳақда Todofichajes портали журналистлари хабар бермоқда.
Манбага кўра, 22 ёшли вингернинг трансферига "ПСЖ", шунингдек, Лондоннинг "Челси" ва "Арсенал" клублари қизиқиш билдирмоқда. Уилямснинг трансфер нархи 70 миллион еврога баҳоланмоқда.
Нико ва баск клуби ўртасидаги амалдаги меҳнат шартномаси 2027 йилнинг ёзида тугайди. Испания чемпионатининг жорий мавсумида вингер 11 ўйин ўтказиб, битта гол ва битта голли узатмага муаллифлик қилган.
