Франция ва Исроил ўртасидаги Миллатлар лигаси ўйини яқинда Амстердамда Тель-Авивнинг "Маккаби" мухлисларига уюштирилган ҳужумдан сўнг кучайтирилган хавфсизлик чоралари остида ўтказилади.
Учрашув 14 ноябрь куни Париж чеккасидаги "Стад де Франс" стадионида бўлиб ўтади.
Euronews нашри маълумотларига кўра, хавфсизликни таъминлаш учун 4 минг полициячи ва жандармлар жойлаштирилади: 2,5 минг нафар ҳуқуқ-тартибот идоралари ходимлари Сен-Денидаги стадион яқинида, 1,5 минг нафари Парижда, шунингдек, жамоат транспортида жойлаштирилади.
Франция президенти Эммануэль Макрон иштирок этадиган ўйин мухлисларда иштиёқ уйғотмаяпти: айни дамда 80 минглик стадион сиғимидан 20 минг чипта сотилган.
