Ҳимоячи Тео Эрнандес "Милан" билан янги шартнома имзоламоқчи, бироқ маошини оширишни талаб қилмоқда. Франциялик футболчи ҳозир мавсум учун 4,5 миллион евро маош олади. Музокаралар давомида Тео йиллик маоши 6,5 миллион евро сўраган.
Calciomercato хабарига кўра, миланликлар Эрнандеснинг молиявий иштаҳасини қондириш кераклигига шубҳа қилмоқда. Шу шубҳалар туфайли музокаралар жараёни секинлашмоқда.
Тео Эрнандеснинг "Милан" билан амалдаги меҳнат шартномаси 2026 йилнинг ўрталарига қадар амал қилади. Нуфузли Transfermarkt портали мутахассислари 27 ёшли футболчини 60 миллион еврога баҳоламоқда.
