Туриннинг "Ювентус" клуби франциялик ярим ҳимоячи Поль Погба билан шартномани бекор қилиш борасида музокаралар олиб борди.
Бу ҳақда Sky Sports хабар берди.
Манбага кўра, томонлар ўртасидаги музокаралар илғор босқичда. Унинг шартномаси 2026 йилнинг ёзига қадар мўлжалланган.
Футболчига ҳозирданоқ турли жамоалар фаол қизиқиш билдиришмоқда. Гап Премьер-лига, Саудия Арабистони ва Бразилия клублари ҳақида кетмоқда.
Эслатиб ўтамиз, Погбанинг допинг учун дисквалификация муддати яқинда тўрт йилдан 18 ойга қисқартирилганди, 31 ёшли ярим ҳимоячи кейинги йилнинг март ойида ўйинга қайтиши мумкин. Шунга қарамай, "Ювентус" 2018 йилги жаҳон чемпиони билан шартномани бекор қилишни режалаштирмоқда.
Погба сўнгги бор майдонга 2023 йил 3 сентябрь куни расмий ўйинда, А Серия доирасида “Эмполи”га қарши ўйинда (“Ювентус” 2:0 ҳисобида ғалаба қозонган) майдонга тушган эди. Шундан сўнг, танада тестостерон метаболитлари топилганлиги маълум бўлди.
