Журналист Даниэл Риоло Килиан Мбаппенинг Франция терма жамоасига чақирилмагани ҳақида гапирди.
"Реал" ҳужумчиси ноябрь ойида Миллатлар лигаси ўйинларида иштирок этмайди - Франция терма жамоаси бош мураббийи Дидье Дешам Мбаппени ўз қарорига кўра чақирмаганини айтди.
Аввалроқ Килиан жароҳати сабаб терма жамоанинг октябрдаги йиғинини ўтказиб юборганди.
“Фақат битта сабаб бор. Мен 1000% ишончим комилки, Дешам бир кун олдин содир бўлган воқеа учун ундан ўч олмоқда.
Агар ўзаро келишув бўлса, ҳаммаси яхши бўларди. Мбаппе жароҳат олганини айтди, лекин у уч кундан кейин "Реал" учун ўйнади", - деди Риоло.
