«Манчестер Сити» ярим ҳимоячиси Родри Эрнандес жамоа бош мураббийи Пеп Гвардиоланинг келажаги ҳақида гапирди.

«Манчестер Сити» билан шартнома имзолаганимда, менга Гвардиола келаси йили кетишини айтишганди, аммо беш йил ўтиб ҳам у ишлаяпти. У жуда амбицияли. Албатта, Гвардиола кетгач, ҳаммаси ўзгаради, аммо «Манчестер Сити» «Манчестер Сити» бўлиб қолади», - деди Родри.

Эслатиб ўтамиз, Гвардиола 2016 йилдан буён «шаҳарликлар»ни бошқариб келмоқда. Испаниялик мутахассиснинг клуб билан амалдаги меҳнат шартномаси жорий мавсум якунланганидан кейин тугайди. Ҳозирча шартнома узайтириладими ёки йўқми маълум эмас.