"Рома" ва Украина терма жамоаси ҳужумчиси Артём Довбик терма жамоанинг кечаги машғулотини ўтказиб юборди, деб хабар беради Forza Roma.

Довбик "кўк-сариқлар" жойлашган жойга охиргилардан бўлиб етиб келди. Туркияга учишдан олдин тиззасидаги ноқулайлик туфайли клуб шифокорлари томонидан кўрикдан ўтган ва текширув ҳеч қандай муаммо кўрсатмаган.

Кеча, сешанба куни Артём терма жамоа машғулотларида қатнашмади. "Кўк-сариқ" тиббиёт ходимлари бугун ҳужумчини кўрикдан ўтказади ва "Рома" шифокорлари билан биргаликда бир қарорга келади: уни терма жамоада қолдириш ёки Италияга қайтариш.

Довбикнинг ноябрь ойидаги Миллатлар лигаси ўйинларида иштирок этиши сўроқ остида эканлиги кеча хабар қилинган эди.