"Арсенал" ҳимоячиси Бен Уайт Томас Тухель "Уч шерлар" бош мураббийи лавозимини эгаллаши билан терма жамоадаги фаолиятини давом эттиришни режалаштирмоқда.

Эслатиб ўтамиз, Уайт мураббийлар штаби билан можаро сабабли, Қатарда бўлиб ўтган ЖЧ-2022да инглизлар сафини тарк этганидан сўнг терма жамоадаги фаолиятини тўхтатиб қўйганди.

Гарет Саутгейт Евро-2024 финалидаги мағлубиятдан сўнг бош мураббийлик лавозимини тарк этганидан кейин, 27 ёшли Уайт Англия терма жамоасига қайтишни истамади.

Вақтинчалик бош мураббий Ли Карсли уддасидан чиқмаган ишни Тухель амалга оширади. ТalkSPORT нашри хабарига кўра, Бен 2025 йилнинг март ойида Англия жамоасига чақирув учун тайёр бўлишига аллақачон қарор қилган.

Эслатиб ўтамиз, Уайт Англия терма жамоасидаги сўнгги ўйинини 2022 йилнинг март ойида ўтказган. Бу Кот-д'Ивуар билан ўртоқлик учрашуви эди.