"Челси" бош мураббийи Энцо Мареска ҳужумчи Кристофер Нкунку жамоанинг Премьер-лигадаги асосий ўйинчисига айланиши мумкинлигини айтди.
Нкунку "Челси"нинг жорий мавсумдаги энг яхши тўпурари бўлиб, барча мусобақалар бўйича 17 та ўйинда 10 та гол урди, бироқ Премьер-лигада у атиги бир марта асосий таркибда майдонга тушди.
Нкунку аллақачон январь ойида ёки мавсум охирида "Челси"дан кетиши мумкинлиги ҳақида хабарлар тарқалган эди, бироқ Мареска 26 ёшли франциялик футболчининг роли тезда ўзгариши мумкинлигини таъкидламоқда.
"Ташқари тарафдан менга ишониш қийин бўлиши мумкин, аммо бизда иккита жамоа бор дегани эмас. Бугун "Арсенал"га қарши ўйнаган футболчилар уч ҳафта ичида Конференция лигасида, Конференция лигасида ўйнаганлар эса Премьер-лигада ўйнашлари мумкин.
Жоао Феликс Премьер-лигада ўйнаши мумкин. Нкунку Премьер-лигада ўйнаши мумкин. Уларнинг барчаси Премьер-лигада ўйнаши мумкин.
Мен доим бир хил нарсани айтаман. Уларнинг бугун ўйнагани, кейинги ўйинда майдонга тушишини англатмайди. Сиз ўз ўрнингиз учун курашишингиз ва тўғри ўйнашингиз керак", - деди Мареска Stadium Astro нашрига.
