«Манчестер Юнайтед»нинг янги бош мураббийи Рубен Аморим Маркус Рэшфорд фаолиятини қайта тиклашга ҳаракат қилади.

Хабарларга кўра, мураббий алмашинувидан сўнг инглиз майдонда янги позицияда ўйнайди. Журналист Дин Жонснинг сўзларига кўра, «қизил иблислар»нинг португалиялик мураббийи Рэшфордга 3-4-3 формациясида ўзини ҳужумчи позициясида кўрсатиш имкониятини беради. Эрик тен Хаг даврида футболчи асосан ҳужумнинг чап қанотида ўйнаган.

Маркус Рэшфорд жорий мавсумда «Манчестер Юнайтед» сафида 18 та ўйинда тўртта гол ва учта голли узатмани амалга оширди.