Косово терма жамоаси сардори Руминия билан ўйин атрофидаги вазият ҳақида гапирди.

Амир Рраҳмани УEФАни ирқчиликка оид хатти-ҳаракатларга дуч келган футболчиларни ҳимоя қилишга чақирди.

Косово терма жамоаси кеча Руминия билан ўйин тугашига бир неча дақиқа қолганида майдонни эрта тарк этди, чунки мезбон мухлислар “Сербия, Сербия!” дея ҳайқиришди ва Сербия байроғини осиб қўйишди.

“Трибуналардан тинмай “Сербия, Косово” деган ҳайқириқлар эшитилиб турарди. Бу 90 дақиқа давомида содир бўлди.

Қўшимча вақтда қўшиқлар бошқа сўзлар билан бошланди, мен буни такрорламоқчи эмасман, чунки бу уят.

Биз ҳакамга айтдик, лекин у ҳеч нарса қилмади. Иккинчи марта ҳакам эшитишни истамади.

УEФА қарор қабул қилиши керак, чунки биз футболчимиз, ўтмиши оғир бўлган халқимизни, мамлакатимиз шарафини ҳимоя қилиш учун бу ерга келганмиз.

Буюк уруш одамларнинг ҳаётига зомин бўлди, қирғинлар кўпайди. Бу жуда кўп содир бўлди. Тўхтанг! Ҳаммаси шу ерда тугасин”, - дея хулоса қилди Косово сардори.