Испания терма жамоаси ҳужумчиси Айосе Перес Дания терма жамоаси устидан қозонилган ғалаба (2:1) ҳақида фикр билдирди.
“Бу яхши чиқиш эди. Биз кўпроқ гол уришимиз керак эди, айниқса мен учун. Голли узатма берганимдан жуда хурсандман, лекин энг муҳими бу гуруҳда биринчи ўрин.
Кейинги ўйинни Тенерифеда ўтказамиз - бу менинг ватаним, Испания терма жамоаси 28 йилдан кейин у ерга қайтишидан жуда хурсандман. Гуруҳда биринчи ўринни кафолатлаган бўлсак ҳам, барибир ғалаба қозонишни истаймиз", - дея Переснинг сўзларидан иқтибос келтиради УEФА матбуот хизмати.
