"Бавария" ва Германия терма жамоаси ярим ҳимоячиси Жамол Мусиала келажакда "Олтин тўп"ни қўлга киритиш имкониятлари ҳақида фикр билдирди.
"Олтин тўп"ни қўлга киритиш менинг мақсадимми? Ҳа, бу менинг мақсадим. Катта бўлганингизда Лионель Месси ва Криштиану Роналдунинг ушбу совринни қўлга киритаётганини кўрсангиз, қачондир уларнинг ўрнида бўлишни хоҳлайсиз. Лекин асосийси ўзингизга босим ўтказманг, шунчаки ўйнанг ва "Бавария" ва терма жамоа билан чемпионлик учун ҳаракат қилинг. Шунда, эҳтимол, бир кун мен уни ютиб олиш имкониятига эга бўларман", - дея Мусиала сўзларини келтиради RND.
Жорий мавсумда Жамол “Бавария” сафида барча мусобақаларда 13 та ўйин ўтказиб, 9 та гол урди ва 3 та голли узатмани амалга оширди.
