"Bavariya" va Germaniya terma jamoasi yarim himoyachisi Jamol Musiala kelajakda "Oltin to‘p"ni qo‘lga kiritish imkoniyatlari haqida fikr bildirdi.
"Oltin to‘p"ni qo‘lga kiritish mening maqsadimmi? Ha, bu mening maqsadim. Katta bo‘lganingizda Lionel Messi va Krishtianu Ronalduning ushbu sovrinni qo‘lga kiritayotganini ko‘rsangiz, qachondir ularning o‘rnida bo‘lishni xohlaysiz. Lekin asosiysi o‘zingizga bosim o‘tkazmang, shunchaki o‘ynang va "Bavariya" va terma jamoa bilan chempionlik uchun harakat qiling. Shunda, ehtimol, bir kun men uni yutib olish imkoniyatiga ega bo‘larman", - deya Musiala so‘zlarini keltiradi RND.
Joriy mavsumda Jamol “Bavariya” safida barcha musobaqalarda 13 ta o‘yin o‘tkazib, 9 ta gol urdi va 3 ta golli uzatmani amalga oshirdi.
