"Аталанта"нинг марказий ҳимоячиси Исак Хин "Интер"нинг қизиқиш доирасига кирди.

"Нерадзуррилар" раҳбарияти 2025 йилда мудофаа чизиғини ёшартиришни режалаштирмоқда. Corriere dello Sport маълумотларига кўра, амалдаги Италия чемпионлари Хинни ўз шорт-листига киритдилар. 25 ёшли футболчининг қобилиятларини "Интер" бош мураббийи Симоне Индзаги юқори баҳолайди. Потенциал битим қиймати 35 миллион еврога баҳоланмоқда.

Исак Хин жорий мавсумда "Аталанта" сафида 13 та ўйин ўтказди. Швед шу йилнинг январь ойида "Верона"дан 8,5 миллион евро эвазига Бергамо клуби сафини тўлдирди. Футболчининг амалдаги меҳнат шартномаси 2028 йилгача мўлжалланган.