"Челси"нинг собиқ сардори Жон Терри Криштиану Роналду фаолиятидаги 1000та голга эриша оладими ёки йўқми, деган фикр билан ўртоқлашди. Ҳозирда 39 ёшли португалияликнинг ҳисобида 910 та гол бор.

"Роналду феноменал ва ақл бовар қилмайдиган футболчи. У томоша қилишдан завқланадиган йигитлардан бири. У гол уришни яхши кўради. Роналду фаолиятининг бошиданоқ айнан мана шундай. У ҳозир 39 ёшда ва бу ақл бовар қилмайдиган даражада. Ва менга ишонинг, бу охири эмас. У 1000 та гол уришга эътибор қаратган. У бунга албатта эришади. У буни амалга оширади", - деди Терри "Ан-Наср" матбуот хизматига.

Криштиану Роналдунинг "Ан-Наср" билан амалдаги шартномаси 2024/2025 йилги мавсум охиригача амал қилади.