"Арсенал", "Челси" ва "Тоттенхэм" клубларининг собиқ футболчиси Вильям Галлас "Манчестер Юнайтед"нинг собиқ ярим ҳимоячиси Поль Погбанинг АПЛга қайтишига нима учун ишонмаслигини тушунтирди.
"Поль Погба Премьер-лигага қайтиши мумкинми? Мен бундай деб ўйламайман, чунки Премьер-лига жуда шиддатли футбол ва биз Погба узоқ вақт ўйнай олмаслигини биламиз.
У ўйнаш истагини кўрсатади ва эҳтимол жуда қаттиқ машқ қилади, аммо Премьер-лиганинг бутун мавсуми давомида кўп ўйин ўтказиш унга қийин бўлади.
"Арсенал" каби клублар Погбани олиб келишдан олдин икки марта ўйлаб кўришади. Агар Погба билан шартнома имзоласангиз, у бутун мавсумни жароҳатсиз ўтказмаслигига ҳеч ким кафолат бермайди, айниқса 31 ёшда", - деди Галлас Goal билан суҳбатда.
