Ёзда Париж клуби "Барселона" ва Испания терма жамоаси вингери Ламин Ямал учун 250 миллион евро таклиф қилганди. Бу ҳақда RMC Sport нашри "кўк-анорранглилар" президенти Жоан Лапортанинг сўзларига таяниб хабар берди.
"Биз бу таклифни ҳеч қачон кўриб чиқмаганмиз. Ямал Мбаппенинг ўрнига идеал номзодми? Хўш, пулингиз ва уни сарфлаш имконияти бўлганда, исталган одамни сотиб олишга уриниб кўришингиз мумкин", - дея Лапорта сўзларини келтиради RMC Sport.
Жорий мавсумда 17 ёшли Ямал "Барселона" сафида барча турнирларда 16 та ўйин ўтказиб, 6 та гол ва 8 та голли узатмани амалга оширди.
