"Ювентус"нинг собиқ посбони Жанлуижи Буффон ҳужумчи Криштиану Роналду ҳақида гапирди.
Аввалроқ, дарвозабоннинг йўли Турин клубида португалиялик футболчи билан кесишган.
"Криштиану билан доим яхши муносабатда бўлганман: ишонч, янги истеъдодларни қадрлаш. Мен унда катта кучни, балки отасининг йўқлиги ва у босиб ўтган оғир йўл туфайли заифликни ҳам кўрдим", — деди Буффон Corriere Della Sera нашрига берган интервьюсида.
Хабарингиз бор, Роналдунинг отаси эрта вафот этди. У спиртли ичимликлар билан жиддий муаммоларга дуч келди. Криштиану Роналду 2018-2021 йилларда “Ювентус” сафида ўйнаган. 39 ёшли португалиялик футболчи ҳозирда Саудия Арабистонида "Ан-Наср" жамоасида ўйнамоқда.
